為細佬做的小小心意

終於提起心機 update 下之前做過o既手作. 

就係為細佬結婚而做的花球同花車裝飾. 

當晚真係有驚無險, 因為襟花真係頂唔住, 

點算呢, 唯有試下盡最後努力, 

成6點至去花墟買料(今次買絲花, 冇咁易爛), 

之後趕回酒樓, 呢係新娘房密密整, 密密整.

整完一個就比一個佢地換........就係咁

好彩開席時差唔多補完. 叫做鬆口氣, 

如果唔係真係令個婚禮有遺憾. 對細佬唔住咁.

 傻到過大禮d果籃都自己整 

手作布藝午餐袋

家姐叫我整個袋比佢 lunch用

唔要 lace, elegant D, 又唔好太細 

最好可以揹上身添  (所以怪怪的做長左手挽)

憑我有限既創意只諗到咁整咋.

^_^ 15th Anniversary ^_^

15週年喇! 

唔係呢個 Blog, 係我既結婚週年呀! 

時間真係飛咁快咁過, 咁就15年了

多謝老公咁耐以黎都咁錫我, 保護我, 支持我 

但係佢都好可惡架, 

竟然要我開聲叫佢送枝花比我, 佢先醒起咩事. 

還好佢重記得我鍾意邊種花, 搵左幾間至搵到. 咁就算啦! 

絲帶花 (CRFA) - 千禧班

我的最愛手工藝 - 日本切邊絲帶花 - 千禧班 

呢d作品係8年前架喇.

 

  

結婚花球 - 熱身編

細佬下個月結婚 lu 

佢叫我幫手整花球同埋花車佈置,

我緊係話冇問題啦! 

因本身鍾意整(當年結婚都係自己一手包辦架)又可以幫佢. 

以前都有幫朋友整, 不過好耐冇整過, 所以手痕痕買d花熱下身先.

都唔錯呀! 問過佢女朋友都話OK! 

實情係佢倆個都超級求其, 咩都冇所謂喎!

最緊要幫佢攪掂就得了........

不過呢個只係初步構思, 因用全日的話,

玫瑰比較危(開得盡), 所以到時買花時再決定. 

反正佢地冇咩所謂........