手作布藝午餐袋

家姐叫我整個袋比佢 lunch用

唔要 lace, elegant D, 又唔好太細 

最好可以揹上身添  (所以怪怪的做長左手挽)

憑我有限既創意只諗到咁整咋.

^_^ 15th Anniversary ^_^

15週年喇! 

唔係呢個 Blog, 係我既結婚週年呀! 

時間真係飛咁快咁過, 咁就15年了

多謝老公咁耐以黎都咁錫我, 保護我, 支持我 

但係佢都好可惡架, 

竟然要我開聲叫佢送枝花比我, 佢先醒起咩事. 

還好佢重記得我鍾意邊種花, 搵左幾間至搵到. 咁就算啦! 

絲帶花 (CRFA) - 千禧班

我的最愛手工藝 - 日本切邊絲帶花 - 千禧班 

呢d作品係8年前架喇.

 

  

結婚花球 - 熱身編

細佬下個月結婚 lu 

佢叫我幫手整花球同埋花車佈置,

我緊係話冇問題啦! 

因本身鍾意整(當年結婚都係自己一手包辦架)又可以幫佢. 

以前都有幫朋友整, 不過好耐冇整過, 所以手痕痕買d花熱下身先.

都唔錯呀! 問過佢女朋友都話OK! 

實情係佢倆個都超級求其, 咩都冇所謂喎!

最緊要幫佢攪掂就得了........

不過呢個只係初步構思, 因用全日的話,

玫瑰比較危(開得盡), 所以到時買花時再決定. 

反正佢地冇咩所謂........

布藝小針插

我都學人整左個針插, 幾實用!

都係多得無私的網友. Thanks! 

好攪笑, 我差唔多整完果陣,

老公話: 你做咩整粒"金沙"出黎 

佢唔講我都冇為意添