呢個手提袋出世得好快 
因為今朝同我姑仔食早餐時見佢用,
第一眼已經好鍾意佢個款, 而且重係我至愛o既紫色添. 
於是立即映低佢, 諗住第日可能會試下.
點知返到屋企總係心思思, 搵紙試下大概個樣子.
得喎, 原來唔係咁複雜喎. 即刻再摷塊舊夾棉布出黎開工.
剪呀剪, 車呀車......雖然比原著大一個碼同埋好似走哂樣, 
不過啱我裝咁多垃雜野.
條帶又好似長左D, 但係又意外可以比我揹上身. 
我諗如果用拼布黎做一定會好靚, 可惜我唔識又冇咁好耐性 ! 
