Decoupage 初體驗

近期中左呢種手藝毒 ----Decoupage 拼貼藝術 / 蝶古巴特

Decoupage 源自意大利

以前係d平民用d靚既圖片或畫拼貼係d傢俱度

做成有錢人先可以擁有的傢俱

最令我著迷係佢可以做d古董, 彩繪畫傢俱擺設

令唔識畫畫o既我開心到不得了

唔知可唔可以學得好呢? 

第一件學做最基本的玻璃碟

工序都幾多, 最危險是d餐紙巾好易爛 

有個小天使隻腳比我拉斷左喇! 

真係要練多d至得了.

我個黑膠袋

終於到自己喇!  

見到通街都係大大個膠袋  (a.... b.牌子)

自己好鐘意深紫色那個, 重有小小閃 

不過對我呢d咁慳既C9呢講, 實在太貴了 

唯有自己黎啦!  重加多一個前袋 

趕得到下星期用黎去台北 

阿仔的迷彩袋

到阿仔喇! 正一軍事迷一個. 於是.........

整個迷彩袋比佢返暑期班.

佢開心到陣, 周圍同人講我車比佢. 

P.S. 隻布唔夠挺, 所以全部燙哂布撲.

奶奶的腰包及咭套

 

奶奶係個唔用銀包既人,

平時都係將d錢同身份證呀, 咭呀...就咁袋係褲袋. 

不過佢回鄉時就會用腰包.

所以做個腰包比佢, 再加埋個咭套,

等佢放下身份證同回鄉咭囉!