布藝咭片套

想整個布藝銀包比自己(努力中),

但係估計放唔哂我d信用咭, 會員咭, 優惠咭, 廢紙, 欠單呀......

所以整返個咭片套先, 可能有用.

塊布本身薄d, 加左防水膜架變左唔多平服. 

A貨一口糉

呢個小包包係睇見網友d成品,

幾得意又好似唔難整, 所以膽粗粗試下.

(最緊要多謝網友d相影得咁靚, 咁清楚  希望你地唔介意啦)

唔知有冇十足, 我諗有8成掛...... 

不過轉彎位都幾難整得好.

兩個除左絲帶唔同重有d係唔同架. 

左面:  拉鍊20吋, 絲帶幼d, 成品方d, 手縫 (好似重靚仔d)

右面 : 拉鍊20吋, 絲帶粗d, 成品長小小, 車縫  (車到有d岩蠶) 

過期蘿蔔糕

其實唔係真過期, 只係因為我的好媽媽年年都為我地準備好,

所以我從來未整過蘿蔔糕, 不過今年初三(所以係過期)得閒,

加上阿蘇效應, 媽咪今年跟佢整, 唔多啱我口味.

見有網友d 食譜幾簡單, 於是自己試下改到最簡單果隻.

我只買一底份量試, 唔好浪費嘛 

結果味道都唔錯, 只係軟左d, 整多幾次, 減d水應該ok

膠圈新與舊 - Fissler Blue Point

我個 Fissler 高速煲 (真係非常正, 慳時間又慳煤氣)

早排成日出現疑似漏氣滴水的現象, 

計下數都有用左兩年, 雖然唔係日日用,

但我多數為慳時間, 都會即用凍水放氣. 

所以九成九係膠圈老化, 唯有買過條啦!  $148呀

買左返黎先驚愕, 原來唔單止外觀變左, 連手感都硬左好多